Aplei 765

BunkaHumanėtarėniu muokslu daktars Jūzaps Pabrieža ši mienesi pristata knīnga aplei žemaitiu ruoda. Na tarmė, vo ruoda!
Ruoduos, bus lerma. Lig šiuol mums aiškėn, kad žemaitē ruodas nator, ī tiktā tarmie. Gal atsėrastė tuokiū muokslintiu ė anās apsėmetontiu, katrėi rokous, ka Jūzaps skalda Lietova kāp kataluona Ėspanėjė.
Tumet pri skaldītuoju rēkto pridrokavuotė vėsus, kas bėnt cėntu prisėdiejė spausdintė knīnga, kas onkstiau jau ī sakės, ka žemaitē ruoda tor.
Ėstuorėkė Janina Bucevičė rašė: „Jau 1394–1394 m. ir 1411–1412 m. didžiojo kunigaikščio Vytauto pavedimu žemaičiuose lankėsi ir krikščionybę skelbė premonstratiečių vienuolio Jeronimo Prahiškio vadovaujami misionieriai, tarp kurių buvo (turėjo būt) ir Lietuvoje gyvenusių vienuolių pranciškonų, gerai mokančių lietuvių, o gal ir žemaičių kalbą.“
Bet gal būtė, ka Jūzapa argumėntā bus tuokėij stėprė, ka prasėdies rimtas diskusėjės aplei žemaitiu ruoda ė ka rēk anōn padarītė da vėina valstībėnė Lietovuo.
Žėnuomā, bus rokoujontiu, ka tuos žemaitiu ruodas tėik balėka – maždaug pėnkėsdešimt kėluometru aplei Plungė – nier kuo so ana buovītėis.
Bet tuoks parokavėms vėsam pasauliou ruodīto, ka žemaitiu ruoda ī zorduojama. Lietovuos ivaizdiou tas smarkē trėnktu par pakinklius.
Vo jēgo pripažintomem, ka žemaitē tor na tarmė, vo ruoda, par vėina nakti pasaulė statistikuo Lietova pasėdarīto jouba ėšsėlavėnosi: žemaitē anketuos galieto drokavuotė, ka anėi muok na vėina, vo dvė ruodas. Vo jēgo atsėmėn rusėškā ė jau muok anglėškā – vėsas ketorės.
Bet ėr tuokės mėslės gal būtė sovuožuotas kāp Lietovuos skaldīms.
No, ka jau „skalduom“, pasėveiziekem i 1659 metās padėrbinta La SAMOGITIE DUCHE en LITUANIE žemielapi, prisėminkem ė dabartėnės Lietovuos miestus.
Seniausē pamėnavuotė ī Ariuogala, Gargždā, Jurbarks, Klaipieda, Kretinga, Palonga, Raseinē, Rėitavs, Skouds, Šiaulē, Vėikšnē. Šimet Klaipiedā suējė 765 metā, kėtims tėik bus 2018-ās.
Vėsė anėi ī Žemaitėjuo. Ė skaitlius 765 gražus.
Gal žemielapis natėkrus, bet uns ī. Pagal anōn išēn, ka Žemaitėjuo priš 765 metus miestu jau bova, vo Lietovuo – ne.
A tas reišk, ka Žemaitėjė civilizacėjės kelie bova žingsniu prīšakie?
No, ė kas, jēgo bova?
Gīvenam šindėina.
Bet nareikieto zorduotė, kas bōva.

Vienas komentaras

  • sedula:

    Man, žemaitei,visada malonu klausyti žemaitiškos šnekos, bet skaityti žemaitiškai-reikia ypatingo nusiteikimo ir specialaus prisiruošimo.Todėl, kad ir koks įdomus būtų straipsnis, žemaitišką raštą atidedu, kol turėsiu nusiteikimo tam. Įtariu, kad taip darau ne tik aš. Gal geriau rašykit lietuviškai.

Parašykite komentarą

Balsavimai

Neseniai VRK pripažino, kad Liberalų sąjūdis šiurkščiai pažeidė rinkimų įstatymus. O kaip vertinate liberalų, dabar esančių rajono valdžioje, veiklą?

Rezultatai

Loading ... Loading ...